ХАТЫНЯ
па матывах аповесці Алены Кобец-Філімонавай
“Жаваранкі над Хатынню”
12+
Жанр: прадчуванне трагедыі
Рэжысёр-пастаноўшчык: Аляксандр Бародка
Мастак-пастаноўшчык: Марына Алекна
Прэм’ера: 11 ліпеня 2024 года
Працягласць: 1 г. 45 хв. без антракту
- Маланка так стрэльнула, што аж сасна згарэла...
- Абы большай бяды не было...
Людзі, якія прадчувалі бяду. Людзі, якія жылі ў няведанні, разгубленасці, бяссіллі. Людзі, перад якімі кожны дзень паўставаў адзін і той жа выбар, які на самой справе быў выбарам без выбару. Людзі вёскі Хатынь.
Што мы ведаем пра іх? Якімі яны былі, як жылі, як ставіліся адзін да аднаго, да наваколля, што адчувалі напярэдадні трагедыі, аб чым думалі, гутарылі, з чым прачыналіся і засыналі? Калі б яны маглі нам нешта сказаць… То што б гэта было?
“Хатыня” – а менавіта так сваю вёску называлі мясцовыя – гэта гісторыя людзей, якія жылі з прадчуваннем “большай бяды”…
Ролі выконваюць:
Адась – Сцяпан Краўчук
Лёкса – Арсеній Луцкі
Марыся – Юлія Лазоўская, Юлія Гружэўская
Бабка Тэкля, Стэфа – Ганна Анісенка, заслужаная артыстка Рэспублікі Беларусь Галіна Чарнабаева
Адэля – Надзея Цвяткова, Вераніка Буслаева
Васіль – Сяргей Шымко
Дзед Карабан – Ігар Сідорчык, Канстанцін Воранаў
Гнат – Алесь Ніканенка
Кузьма – Уладзіслаў Віленчыц
